L'ROUCHI POU L'Z'INFANTS; LE ROUCHI POUR LES ENFANTS

Ch'page chi, alle est faite pou les taïons, les taïonnes, les parints, les maîtes d'écoles ...J'in passe et des meilleux,  qui voudrotent bin  que l'z'infants, i seuchent incore parler l'viux langache du Nord de l'France, chti qui déquind de l'langue d'Oïl, el'Picard, el'rouchi, el'ch'ti... Bref, el'patois, comme in dit par ichi.L'page, alle s'ra arnouv'lée d'timps in timps. Des fos, vous y trouv'rez un poème, des fos, cha s'ra eune canchon, et i'ara toudis l'traduction des mots difficiles , pou bin tout comprinde.

Cette page-ci est faite pour les grands parents, les parents, les enseignants...J'en passe et des meilleurs, qui voudraient que les enfants sachent encore parler l'ancien langage du Nord de la France, celui qui descend de la langue d'Oïl, le picard, le rouchi, le Ch'ti...Bref, le patois, comme on dit par ici. Cette page sera renouvelée de temps en temps. Parfois, vous y trouverez un poème, parfois, ce sera une chanson, et il y aura toujours une traduction des mots difficiles, afin de bien tout comprendre.EUNE BONNE LECTURE !!

Trouvez aussi désormais sous ce texte d'autres poèmes pour enfants proposés par Nicolas, "no Vice-Persidint".

Cette fois, voici un  poème sur une plante bien connue, et aux nombreux usages, l'ortie. Ce poème fait partie d'une série de 237 fiches en rouchi sur les plantes et les arbres de notre région.

L’ORTILE

Manmère, mais que doudouche !

Cha fait circuler l’sang,

Pis té l’aras pus rouche.

Braie point après t’manman !

L’ortile, ch’est eune mervelle.

Avec, in peut s’nourrir,

S’sogner, rinde s’piau pus bielle,

Faire des loques… O maigrir.

Et j’oblios l’gardin

Dusse qu’alle est fort utile.

Adon, acravinte point,

Acravinte point l’ortile !

L’ORTIE

Mon Dieu, mais quel douillet !

Ça fait circuler le sang,

Et puis, tu l’auras plus rouge.

Ne pleure pas après ta maman !

L’ortie est une merveille.

Avec elle, on peut se nourrir,

Se soigner, rendre sa peau plus belle,

Faire des vêtements… Ou maigrir.

Et j’oubliais le jardin

Où elle est très utile.

Donc, n’écrase pas,

N’écrase pas l’ortie !

Avant de lire ces beaux poèmes pour enfants de Nicolas Minair, écoutez cette petite comptine, "pis apperdez là à ches infants"

Tiots poin.mes Rouchi pou l'z' infants.

Awi !

Achteure

Ch’est l’heure !

J’pale Picard.

J’pale Rouchi.

J’pale l’Picard-Rouchi !

A Auno, j’ai du comperdo !

A m’mason j’querre les ratons

A l’école, j’sus pas in caracole

In clache, ej sus bin sache !

Mi, J’sus d’ichi

J’sus d’Auno,

Ch’est l’pays du Rouchi

Viens ichi acouter

tous ches mots qué j’vas t’conter !

Joïeux Noé ! 

Joïeux Noé, Joïeux Noé !

Ch’est l’fin d’l’année.

Quo que j’vas bin povoir dmander

A l’Père Noé ?

J’voudros bin… in, deux, tros juets.

Bin imballés !

Des tiotes carrettes qu’i z’avanchtent vite

Habile ! Viens vite !

J’voudros bin ène mason d’poupée

Pou l’zes coiffer.

O bin in garache ed pompier

pou l’zes sauver !

A l’fin, quand j’busie in tiot peu

J’arai fort querre d’ène tiote sœur

Pou partacher tout min ameur !

Joïeux Noé, Joïeux Noé !

Bonne année !

Bonne année

Bonne sinté

Dins l’monne intier

Bonne année

Bonne sinté

Pou l’z’ écoyers

J’té sohaite

Ed tout min cœur

In grand bonheur.

Ej’té sohaite

D’avoir quer el Rouchi

Pou tout el vie !

                                                                                            Nicolas MINAIR

Vœux ed bonne année.

L’z’infants, pou ç’n’année-chi

J’voudros bin que l’Rouchi

I soche dins vo cœur !

L’z’infants, pou l’année qu’alle vient

J’arai quer que l’lanque ed z' anciens

T’fache arsintir ed l’ameur !

L’z’infants, pou les mos à vnir

Qu’té saches edviser o bin écrire

Pou tin pus grand bonheur !

                                                                                                      Nicolas MINAIR

Infants ed no villache.

Infants ed no villache

Qui n’avez connu l’guerre,

Vous qui êtes bénaches,

Bin tranquilles su Tierre.

Infants ed no villache,

Vous qui chélébrez l’armistie,

Vos povez pourmiler l’courache

D’z’ hommes qu’i z’ont donné leu vie.

Infants ed no villache,

Edvant l’monumint à les défunctés,

Ej vous vos tertous bin gintils, bin saches,

El silinche, ch’est ène qualité.

Infants ed no villache,

Poser ches mahons d’zeur l’pierre,

Quind vos perdrez ed l’ache,

Les fleurs, a’ s’ront cor in tierre.

Ichi : el vidéo à Auno :

466119570 27436277666020858 4169741921305178517 n (11.35 Mo)

Ene bonne nouvielle année 2025 !

Vife el vint !

Arfrain :

Vife el vint, vife el vint, vife el vint d’hivier

Jour ed l’an, bourle ed neinche et bonne année m’taionne !

Su el long quémin

Tout blanc ed blanqué neinche

In viu monsieur s’avanche

Avec es’canne dins l’main

Et tout là-vau el vint

Qu’i chiffièle dins les branques

Pis chiffièle ène romanche

Qu’i cantot tiot infant

Oh !

D’après Jingle Bells de James PERPONT, 1857